Arotakenga: Freestyle The Israel Adesanya Story nā David Riley, ko ngā pikitia nā Ant Sang

Ka whakaatu tēnei pukapuka i te manawatītī, te aumangea, te kaha me te māia. Ko te take matua o tēnei pukapuka he whakaatu ki te tangata ka taea e te tangata tāna e wawata ai mā te manawatītī, te māia me ētahi atu pūmanawa anō.

Ko tētahi mea i tino pai ki ahau ko te whakaaturia mai ōna ahakoa ahu mai koe i hea, ahakoa tō āhua, ka taea e koe ō moemoeā te whakatutuki. Ka whakaaweawe te kōrero o Israel i te tangata kia kore ai rātou e mate wheke i te whāinga o ngā moemoeā me te mana o te waiaro tika. Nā tēnei pukapuka i rerekē ai taku tirohanga ki te ao, ā, he nui hoki ngā akoranga mai ki ahau.

Mutu kau ana, he kōrero whakahihiri, whakaaweawe hoki ka whai hāngaitanga ki tēnā, ki tēnā, ā, ka marohi nui ahau kia pānuitia atu. Ki te kore koe e ako i te pukapuka nei, ka pai tonu tō whakarongo ki tētahi tirohanga whakaaweawe i a Irael Adesanya.

Nā Milo Lilo Morrison i arotake, 12 tau te pakeke.