Home/Books/Pounamu Pounamu - Te reo Maori edition

Pounamu Pounamu - Te reo Maori edition

Find your copy...

Synopsis

E rima tekau tau ki muri, ka puta mai a ‘Pounamu Pounamu’ hei kai mā te ao pānui reo Pākehā. Ko te whakataunga a ngā mana mātauranga o Aotearoa o taua wā, he pukapuka tēnei mā ngā tamariki i ngā kura o te motu whānui. Kua huri te ao, kua hipa te wā, ko tēnei a ‘Pounamu Pounamu’ e horahia nei hei hākari mā te kaipānui reo Māori, ko ia rā pea te mokopuna a te kaipānui reo Pākehā o mua. Ka pēhea te kawe i te wairua o tēnei kohinga kōrero e rangiwhāwhā nei te pānuitia, kia rangona tonutia ai te kounga o te kupu Pākehā? Me kawe tonu i te pukuhohe o He Kēmu Kāri, i te ngau mamae o Tangi, i te hōhonu o te aroha o Te Tamaiti. Kua whakautua taua karanga e nga kaiwhakawhiti reo Māori tekau mā tahi i noho rā hei pia i Te Panekiretanga o Te Reo Māori me ngā Kura Reo. He mea hōmiromiro ā rātou whakamāoritanga e te kāhui hihira, e Mākoha Gardiner rātou ko Pānia Papa, ko Hēni Jacob, ko Stephanie Tibble. Kei roto nei ngā hua o tā ngā kāhui nei whakaheke tōtā, e kitea ai, e rangona ai hoki te puāwaitanga o te reo Māori me ngā reo ā-iwi i roto i ngā tau. Kai te tū rangatira tonu ngā kupu i rere mai ai i te pene a Witi Ihimaera, nāna te huarahi i para hei whai mā te kaituhii kaupapa Māori. Me mihi, ka tika. Ko Kotahi Rau Pukapuka te waka. Ko te pae tawhiti, kia 100 ngā pukapuka reo Māori ka pae ki uta. Ko te whāinga, kia puāwai te aroha ki te reo mā te rau pukapuka. Tēnei mātou e pōhiri ana i a Penguin Random House hei hoa whakatere, hei hoa whakatutuki i ngā wawata o te hunga e ngākaunui ana ki te reo Māori.

Cover of Pounamu Pounamu - Te reo Maori edition

RRP: $30.00 NZD

Author: Witi Ihimaera

ISBN: 9781761047961

Published: 8/28/2023

Pages: 224

About the Author

Witi Ihimaera was the first Maori to publish both a book of short stories and a novel, and has published many notable novels, collections of short stories and in 2020 published his substantial non-fiction work, Navigating the Stars. Described by Metro magazine as 'Part oracle, part memoralist,' and 'an inspired voice, weaving many stories together', Ihimaera has also written for stage and screen - including libretti - edited books on the arts and culture, as well as published various works for children. His first book, Pounamu, Pounamu, has not been out of print since its first publication in 1972. His works have received many awards over the years, such as the Wattie Book of the Year Award and the Montana Book Award, and most recently the Ockham Award for best non-fiction in 2016 for his first volume of memoir, Maori Boy. The second volume, Native Son, was published in 2019, the same year Purakau was released, which he co-edited- editing volumes celebrating the work of other writers has also been an important part of Witi's focus. He has also had careers in diplomacy, teaching, theatre, opera, film and television. He has received numerous awards for his contribution to literature, including the inaugural Star of Oceania Award, University of Hawaii, a laureate award from the New Zealand Arts Foundation 2009, the Toi Maori Maui Tiketike Award 2011, and the Premio Ostana International Award, presented to him in Italy 2010. In 2004 he became a Distinguished Companion of the Order of New Zealand, in 2017 France made him Chevalier de l'ordre des Arts et des Lettres and the same year he received the NZ Prime Minister's Awards for Literary Achievement. Translators Paraone Gloyne He uri a Paraone Gloyne no Ngati Raukawa ki Wharepuhunga, no Ngati Maniapoto. E hau nei nga rongo o Paraone hai kaitito, hai pukorero, hai kaihaka. Kai Te Awamutu a ia e noho ana. Kua roa a ia e tu ana hai kaikokiri mo te whakarauoratanga o te reo me nga tikanga Maori. Ko raua ko tana wahine, ko Ngahuia Kopa, nga kaiako me nga kaiarahi o te kapa haka o Motai Tangata Rau. E mohiotia nei a Paraone i tona koi ki te tito, tae noa ki tana whakatu i te kaupapa o Mahuru Maori, he kaupapa tera e whakatairanga nei i te korerotia o te reo ki roto i o tatau ao o te ia ra, kaua ki te marama o Mahuru anake. No te tau 2021 ka mutu tana mahi ma Te Wananga o Aotearoa, 17 nga tau i reira. Kai te kokiri tonu a ia i tetahi konae ipurangi ia wiki e kiia nei ko Taringa, he mea whakahaere e Te Wananga o Aotearoa, a, he kaupapa reorua hai wananga i nga kupu, i nga korero a nga iwi me nga tikanga. Ruth Smith He uri a Ruth Smith no Te Tairawhiti whanui, engari i pakeke mai a ia ki te iwi o tona koroua, ki a Ngati Kohuru o roto o Te Aitanga-a-Mahaki. He Ika-a-Whiro no Te Panekiretanga o te Reo, he putanga hoki no Te Toi Reo, kua roa e mahi ana hai kaiwhakawhiti reo. Kua mahi a ia hai pouako reo Maori ki Toi Houkura- School of Maori Visual Arts, ki Te Wananga o Aotearoa me Te Whare Wananga o Awanuiarangi. Kua mahi hoki a ia hai kaipapaho ma Whakaata Maori me nga reo irirangi Maori. He kaihaka, he tonotono hoki a ia ki ona iwi o te kaenga. E ngakaunui ana a ia ki te reo Maori me ona tikanga, a, e whai ana ia kia whakatairangatia te reo ma roto mai i te whakaako, i te whakawhiti reo, i nga mahi papaho, me nga mahi tohutohu. I te tau 2022, i whakamaoritia e Ruth ta Witi Ihimaera pukapuka rongonui ko Puripaha Te Pane Kaewa. Corin Merrick He uri a Corin Merrick no Ngati Whare, Waikato, Ngati Maniapoto, me Ngati Raukawa. He mokopuna no te Kohanga Reo, he raukura no te Kura Kaupapa Maori, he Ika-a-Whiro no Te Panekiretanga o te Reo. He roia tutahi, he kaitohutohu ano hoki ia mo nga kaupapa maha. E mahi ana i te Koti a-whanau hei roia mo nga tamariki, hei roia whakamahiri ano hoki. He mangai ia mo nga rangatahi ki te Koti taiohi. I te tau 2019 i whakaputaina e Corin raua ko Alana Thomas te pukapuka, Kia Kakano Rua Te Ture - A te reo Maori Handbook for the Law. Kei te tonga o Tamaki Makaurau noho ai a Corin ratou ko ana tamariki, ko tona hoa rangatira - he roia ano hoki ia - e hapai ana i nga kaupapa o to ratou hapori. Ariana Stevens No Te Tai Poutini a Ariana Stevens, ara, ko Ngati Waewae tona hapu, ko Ngai Tahu tona iwi. Na Te Ataarangi te reo i whangai atu ki a Ariana nona e rangatahi ana i Te Tau Ihu o Te Waka. Nawai, nawai, ka whai wahi ia ki nga mahi whakarauora reo ki raro i te tawharau o Kotahi Mano Kaika. He Ika-a-Whiro a Ariana no Te Panekiretanga o te Reo, kua puta hoki tona ihu i Te Toi Reo Maori hei kaiwhakawhiti reo. I roto i nga tau kua tu a Ariana hei kaiako i nga kura, i te hapori, i te marae, i nga pakihi hoki. Ko tana mahi matua i tenei wa, ko te hautu i tana tima i Reo Maori Mai. Ko ratou tera e whakatinana ana i te rautaki matauranga, i te rautaki reo hoki mo Ngati Waewae. Donovan Te Ahunui Farnham He uri a Te Ahunui Donovan Farnham no Ngati Awa, no Tuhoe hoki. He ihuputa ia no te Kohanga Reo, no nga Rumaki Reo o te pokapu o Tamaki Makaurau, no Waipapa Taumata Rau hoki, ka mutu, katoa mai aua kura he reo Maori te reo kawe. He Ika-a-Whiro no Te Panekiretanga o te Reo, he ihuputa hoki no Te Toi Reo Maori hei kaiwhakamaori, hei kaiwhakapakeha, hei kaiwhakawhiti reo ano hoki. Katahi ano hoki tana ihu ka puta i Te Tohu Paerua o te Reo Kairangi i raro i te maru o Te Wananga o Aotearoa. Kua 10 tau a Te Ahunui e mahi ana hei kura mahita i roto i te Kura Kaupapa me te Rumaki. Kua whakaakona hoki nga kaupapa NCEA. Wawaro Te Whaiti He uri a Wawaro Te Whaiti no Ngati Kahungunu ki Wairarapa, no Rangitane ki Wairarapa, no Kai Tahu hoki. No te tau 2002 ka puta tana ihu i te Whare Wananga o Ako Pai ki Te Whanganui a Tara hei kaiako. Kua whakaako ia ki nga kohanga reo, nga kura auraki me nga kura kaupapa o te Upoko o te Ika me te rohe o Manawatu. He Ika-a-Whiro no Te Panekiretanga o te Reo, he putanga hoki no Te Toi Reo, kua neke atu i te tekau tau e mahi ana hei kaiwhakawhiti reo. E ngakaunui ana a ia ki nga mahi whakaputa rauemi hei hapai i te tamaiti me tona whanau ki te ako me te whakapakari i te korerotia o te reo Maori i nga wahi ako me nga kainga. Kua whai wahi hoki a Wawaro i nga mahi hapai i te whakaakona o te reo Maori ki nga kaiako ma te hotaka Te Ahu o te Reo Maori i raro i a Takatu. I tenei wa, i tua atu i enei mahi, kei te tautoko hoki ia i te huringa o te hotaka NCEA i Aotearoa. Ko te reo Maori, te matauranga Maori, te ahurea Maori me te tangata Maori kei te toi o ana mahi katoa. Hemi Kelly He uri a Hemi Kelly no Ngati Maniapoto, Ngati Tahu me Ngati Whaoa. He kaiako reo Maori, he kaituhi, he kaiwhakawhitireo hoki ia. Nana nga pukapuka o A Maori Word A Day me A Maori Phrase A Day i tuhi. Ko ia hoki te kaiwaihanga i nga rauemi ako o Everyday Maori. He Ika-a-Whiro a Hemi no Te Panekiretanga o Te Reo, kua whakawhiwhia hoki ia ki te Toi Reo Maori, ara ki te tohu kaiwhakamaori. I te tau 2017, i whakamaoritia e Hemi ta Witi Ihimaera pukapuka ko Sleeps Standing, a, ko Te Ruanuku na Paulo Coelho te pukapuka tuarua nana i whakamaori. Ko tana tuhinga auaha tuatahi i tuhia ai ki te reo Pakeha kei roto i te pukapuka o Purakau - he kohinga purakau Maori na etahi kaituhi Maori. Paiheretia Aperahama He uri a Paiheretia Aperahama no Te Aupouri, Muriwhenua, Ngati Tuwharetoa me Te Atiawa. He kaiwhakawhiti reo a-tuhi, he kaiako reo Maori, he pou reo hoki ia. Me kore ake ona karani me ona matua i taea ai e ia enei mahi. Ko te ao Maori tona kaiwhakamahu, i te ao, i te po. Herea Winitana Nō ngā iwi o Tūhoe, o Ngāti Awa, o Te Aupōuri, o Maniapoto, o Te Arawa a Herea Winitana, engari i whakatōkia te pito ki Ngāti Tūwharetoa. O te tokowaru tamariki nā Chris Winitana rāua ko Tinamaree Kaipara, ko Herea te tuarua o te pā harakeke. Te nuinga atu o tōna whakatipuranga, i pakeke mai ia, ka mutu i kuraina hoki ia ki te kāinga ki waenganui i tōna whānau. Tokoono ā rāua ko Paehoro Konui tamariki, e whakatipuria ana i te matomatotanga o te reo me ngā tikanga. Ko ōna ngoi katoa ka whakapetohia ki te whakatānekaha atu i ngā pakiaka o tōna iwi kia tahiti ake, kia whānui ake, kia tiketike ake, kia hōhonu ake te māramatanga ki ngā mātua tīpuna me ngā koha nā rātau i waiho mai hei oranga mō tātau katoa, pēnei i te reo me ngā tikanga. E ngākaunui ana ia ki te āwhina i te tangata, ahakoa nō hea, ahakoa ko wai.